z

Young Writers Society


404: Not Found

Oops! This link might be corrupted.
You should check for any Miss Spellings.
While you ponder this, enjoy a poem:


Alysoun (c. 1300)
by Anonymous

Bytuene Mershe and Averil
When spray biginneth to springe,
The lutel foul hath hire wyl
On hyre lud to synge:
Ich libbe in love-longinge
For semlokest of alle thynge,
He may me blisse bringe,
Ich am in hire baundoun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.

On heu hire her is fayr ynoh,
Hire brow broune, hir eye blake;
With lossum chere he on me loh;
With middel smal and wel y-make;
Bote he me wolle to hire take
For to buen hir owen make,
Long to lyven ichulle forsake
And feye fallen adoun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.

Nihtes when I wende and wake,
For-thi myn wonges waxeth won,
Levedi, al for thine sake
Longinge is y-lent me on.
In world nis non so wyter mon
That al hire bounté telle con;
Hire swyre is whittore than the swon,
And feyrest may in toune.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.

Ich am for wowyng al for-wake,
Wery so water in wore;
Lest eny reve me my make
Ichabbe y-yerned yore.
Betere is tholien whyle sore
Then mournen evermore.
Geynest under gore,
Herkne to my roun.
An hendy hap ichabbe y-hent,
Ichot from hevene it is me sent,
From alle wymmen my love is lent
And lyht on Alysoun.


There is a difference between being poor and being broke: broke is temporary; poor is eternal.
— Robert Kiyosaki